ما الذي يشدك الى الموقع
اعزائي زوار الموقع اتمنى واياكم عاماً ملؤه السلام والامان والتعالي على الجراح .
شروقي
شو باك عاطي الدني استحقاقها شوباك
طير الحبستو حرمتو المي والموني
بعدك وبعدو الهوى وسبحان من خلاّك
تغفى بقلبي وعد وتفيء بظنوني
لوكنتْ وردة كنتْ بطلب من الأشواك
كرمال عهدك من القطّاف يحموني
ولو كنتْ حبقة كنت بسأل عن الشباك
شباك بيتك تجبلو العطر بغصوني
بكذب عحالي المسا وبقول رح انساك
والصبح عنك إذا الجيران سألوني
بخبي عيوني قصد من كتر ما بهواك
بفزع يشوفك حدا من الناس بعيوني
يالله تا نهرب سوى بالحب بترجاك
عبلاد فيها القيل وقال مدفوني
ومعليش تحكي الدني عني أنا وياك
مجنون هربتْ معو بالليل مجنوني
كتير حلوة
يعطي ألف عافي كل مين بيضيف زجل على الموقع
مره باأحلامي زرت بيي كان تحت نخله وجنب واحه أدم قال أهلا يابنيي حوّا من فعلك مالها راحه بتقلك صلي واعقدالنيي ليش مقضي هالعمر سياحه ربناوعد يغفر هالخطيي ونرجع لجنه فيها الك ساحه قلت هيك العدالي الألهيي أحمل غلط بيي وعيش المناحه بالصلاوالصوم أحمل هالقضيي وحج وزكات وجاهدبلارياحه وحيات حوّاوأدم ياعينيي بعاهدكم مابدق غربالرمانتين مش متل أدم بدني النفس عاتفاحه
دقت على الباب وقالت ابونا فتاج مظلوم هربان مع مظلومة. بارك يابونا وحط عاراسنا التاج وكلل باسم الرب وصلي عاتنين ارواحهم بمعجن الحب معجوني صلى ابونا وقال يارب بارك عشيقين عالحب تعاهدو يخلصوا لحبهم يلي جمعهم سوى متل قطرات الندى عا غصون زيتوني ومن بعد ماغادرو باب الدير تنهد ابونا وقال يارب شوف اولادهم عم يلعبوا بساحة وكحل قبل ماموت بنظراتهم عيوني
كتير حلوة بس ممكن الصوت كمان
مشكور
سامر