ما الذي يشدك الى الموقع
اعزائي زوار الموقع اتمنى واياكم عاماً ملؤه السلام والامان والتعالي على الجراح .
قالت إلي من يوم ما فارقتني عذبتني ، دوبتني ، أرهقتني ورجعت حياتي باردي نسماتها من بعد ما دفيتني دنقتني
قالت إلي من يوم ما فارقتني عذبتني ، دوبتني ، أرهقتني
ورجعت حياتي باردي نسماتها من بعد ما دفيتني دنقتني
كل ما البلابل طارت جناحاتها بركض وراك بفكرك طلقتني
وكل ما المواسم رجعت بخيراتها بعجّل زيادي بفكر استعوقتني
وكل ما السعادي خلقت بلذاتها بقلك يا حبي للعذاب خلقتني
وكل ما الليالي عانقت نجماتها بإسف لأنك انت ما عانقتني
وكل ما تفل الناس من سهراتها بسأل ع بيتي ليش ما رافقتني
بكيت ، ولعينيّي شربت دمعاتها فكرت فيك بدمعتي شردقتني
وكل ما الصبايا تسوح عطرقاتها بحلمك عن شي طريق سرقتني
وجبت من عند السما غيماتها ولفيتني بغيمي ومعك مرقتني
وكل ما السواقي تسابقت مياتها بتخايل مشينا سوا وسبقتني
نطرني حملني بروحك بشهقاتها وبعيش لو كل يوم شهقه شهقتني
وكل ما الكروم تعطرت حباتها بحس بيديك عصرتني وعتقتني
وكل ما الحدايق فتحت زهراتها بفكر انا هيي والك شوقتني
وزهره مغطيها ورق خياتها بناديك فيي نايمي وفيقتني
دوقني بلهفه انت جواتها ذقت خياتي وأنا ما دقتني
وخزانتي بتحكي معك درفاتها صرلك عمر لا فتحتني ، ولا غلقتني
وفيها تيابي بتسألك لهفاتها الليلي بإيدك ليش ما علقتني
وروحي الإلك مستفقدي غمراتها قالتلك بآخر حياتي عشقتني
منين الحياة بيرجع اللي فاتها ولحقتني ،،، بآخر صبايي يا طليع
يا ريتك بأول صبايي لحقتني
وجدي .:. 2008-09-11 11:08:02 .
ياريت نقدر نحصل عليهم صوت مش كتابة مع جزيل الشكر .
بغيابك عن عينيي أحتك الجفنين يلي بيتلاقو ليليه عا سرير العين بيبكي الورد بيسقيكي دموعه بالفي شوي بتمو مخليكي ومعصور شوي بعرف وين لياليكي سهرت بالحي وبكرى وين بلاقيكي ما بعرف وين ..
يدعي البعض بأنه لايعطي أهميه للشعر العامي لانه مثقف وهو أكبر من أن يستمع إلى الشعر العامي فأقول لهذا البعض لاتستمع الى السيده فيروز وكثير من المطربين الذين غنو الكلمه العاميه لأن أمثالكم لأيستحقونأن يسمعوا صوت الملائكه وهي تغني
الله يطيك العافي يا شعرنا الكبير طليع حمدان انشاء الله بضل تكتب ومنك نتعلم ياشعر الزجل والغزل
من أروع الفلكلور والتراث اللبناني ؟؟ الزجل اللبناني ... وسيًد الشعار الشاعر الكبير ( طليع حمدان ) التوقيع : عاشق الزجل (أهالي عين الشعرة) !!!
بسم الله ماشاء الله لا قوة إلا بالله شكرا يا شاعر على هالقصيدة الرائعة مجملا كل شعرك حلو الله يزيدك أبو عمرو محب الشعر
شكرا
معتز