القائمة الرئيسية
RSS
الارشيف
االشريط الاخباري
تصويت
ما الذي يشدك الى الموقع
محرر اونلاين
اعزائي زوار الموقع اتمنى واياكم عاماً ملؤه السلام والامان والتعالي على الجراح .
القائمة البريدية
اكثر المقالات قراءة
- محاورة بين طليع حمدان وخليل شحرور
- محاورة بين طليع حمدان وخليل شحرور
خليل
يا حمدان بمجال الشاعريي ............................ نصحتك لا بقا تحتك فيي
أنا بالشعر فارس فوق أبجر ........................... وإنت متل الصبيي المستحيةِ
إنت بتحب تتغزل وتسهر ...............................وتغنى قصايد عاطفيي
وأنا بحار قبل الفجر أبحر ............................. ونشر مجد الحروف الأبجدية ِ
صعب بين المؤنث والمذكر............................ معي تبين لمين الأفضلية ِ
لأنهم بالقصايد يا معتر............................... أنجق يطلع الواحد بمية
وعاذكر الست شعواني المقدر......................... ليش مقامها تعزز يا خيي
لأنها أم للعقل الموقر ................................. والعقل بمقام الأوليي
ومريم قبل ما الفادي تصور.......................... بشرها بصبي رب البريةِ
وبعد ما عطر عيسى الزهر عطر ................... انتشر عطر الورود المريمية
وولد طه النبي لهلل وكبر ......................... الزهرا المؤمنة الحرة التقية
هي زوجة أبو الصبتين حيدر ..................... والصبتين عنوان الحمية
وعلى الحالين بالدنيا يا أسمر ....................... المرا أم الحلا والجاذبيي
ومهما مقامها بالكون يكبر .......................... بيسموها تقيي مش نبية
ونبينا ليش تاللأزواج كتر......................... بدلك عالقضيي وين هيي
إذا شرط العدالي ما توفر ......................... مش مسموح تجني عالبريي
نبينا عند ما بالدين بشر ............................ تا يقضي على الجهل والجاهليي
زمان الجاهليي الحرب قرر ...................... على الإسلام والدعوة القوية
ومن الجيشين صار الشعب يخسر ................ ضحايا من الشباب الأشبهية
وصار بوقت هالعركي يا عنتر ................... الأرامل واليتامى الأكتريي
ورح بعطيك صورة عالمكبر .................... عن لبنان هالجنة الغنية
بعد ما كان كلو مرج أخضر .................... احترق كلو بحرب الطائفيية
جبلي شي شخص منا ما تأثر ................... أو شي بيت خالي من ضحية
وإذا ضفت العدد والعقل فكر ................... ما بين الشب والبنت الأبية
متل ألمانيا وأكتر وأكتر ....................... الشب بيلحقو 12 صبيية
كرامة نسل هالشعب المحضر ................ نبينا حلل الخمسة سوية
حتى ما مقام الأم يصغر........................ بهالتشريع حفافظ عا شرفها
.................... وشرف أجيالها وحل القضية ......................
طليع
يا خلو عقلك من الجهل صفي .................... لا تجبرني حساب الشعر صفي
مين بيعرفك شاعر غناني.......................... لو ما أنا حطك بصفي
يا بحار استحي من عنفواني ...................... أنا البحر وأنا قائد الدفي
وإنت بالبحر آخرة العياني ........................ ما فيك تروح من ضفة لضفةِ
جايي تنتقد خفقة حناني ............................ وصوتي وسكرتي وخشات دفي
انتقد شخص مجرم أولاني ......................... حرق هالشعب تا حالو يدفي
تعا يا عايشة بروضة حناني ........................ عليي بخصرك الغنوج لفي
ومتل حفة وراق البيلساني ......................... عاخدي خدك الشعلان حفي
المرا أشرف من رجال الجباني .................... لبهالناس البريئة مستخفي
هني لوصلونا للإهاني ........................... عنهن سا مشانق لا تعفي
ونبينا لبشر بأشرف دياني ........................ حلل أربعة بعصر التخفي
عا حبة تمر كان العيش هاني .................... وعشرة ياكلو من فرد قفة
ومهما الشب كان اليوم جاني........................ مرا ما بيقدر يكفي بخفي
حمرا وبودراوفرحة وتهاني ........................ والكوافير للعيلي يصفي
كيفن أصبحو سبعة تماني ........................... كيف بيقدر عيونو يغفي
حسبو من الخمر شي كركي ملاني .................. أنجق كل كاسة يشف شفة
وشو نفع الحب لو صار المعاني ..................... متل واحد سكرجي عم يقفي
بيلطش من أبو سعدا قناني ........................... وبيعود يروح بالويسكس يطفي
دخلك ليش تالست المصاني ........................... بحب بتكتفي وبتهف هفي
وبتصون الأماني بالتفاني ............................ لولا روحها بدها تهفي
اعزروني نقلت ما إلهم أمانة ........................ رجال بيتكو عا كل حفي
وبيصيرو يتهموها بالخيانة ........................... لولا جفنها بيرف رفي
وهني بيقطفو كل المجاني ............................ وبيعيشو بين كاس وبين شفة
ولما ضهرنا بيصير حاني ............................. يا منحج يا منلف لفي
وإنت لقال عامل برجواني .......................... وبيقلبك من صباي الشقر عفة
لازم يا حلو يا أشقراني ............................... بأرض ألمانيا سنينك تكفي
وإذا بلبنان شفت الظرف جاني ........................ وشفت الحرب منا عم تشفي
منك ما حدى طالب إعاني ............................. تانشوفك عريس بكل زفي
لأنك إنت طميع وأناني ................................ ومعك ب 12 مش ممكن توفي
لازم بعد تعلق حرب تاني ............................. تا تاخد 24 حرمي
.......................... وقلو بس يا الله بيكفي ..........................
المحامي علاء قســام .:. 2010-05-04
التعليقات
الشــــــــــكر الجزيل للأخ علاءء على هذه الابيات الرائعة
زجل
مهند عقل
خليل بلادي الجملي سهولها وجبالها .............. وينك يا متباكي عا إستقلالها مهما السحر غنا شعر كرمالها ............... أكتر من الشحرور ما غنالها وحمدان حفلات الزجل بمجالها .............. بيحط كتفو حد كتف الآلها مع كل شعار الزجل إلا معي................. متل المرا لبتخاف من رجالها طليع رجعنا نغني مع شموع منورا ............... ونهدي النسيم على ورود معطرا ومع كل شعار الزجل يا عنترا............... ما بخاف إلا من كلام الثرثرة لما المرا بتكون ست مقدرا ................ بتخاف من رجال عندو مقدرة هيدا دليل الإحترام مسوكرة ............... تاتضلها فيها الإنوثة مصورا حلوة المرا لبتخاف من رجالها ............ ولا يكون رجال وبيخاف من المرا
رد
عــلاء قســـام
الشـــكر الجزيل للأخ الناشر هذه المقالة .......... لكــــن ..... 1_ ليــس أنا من كـــتب هذه المقالة ..... 2- بعـــدني ما تخرجت يـــعني بعدني ما صرت محامي ...>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>اخ علاء شكراً على ملاحظتك الطيفة والتي تنم عن ثقافتك ومنطقيتك بوضع نفسك بمقدارها ز ويجب ان ننوه نحن ادارة الموقع اننا لانهتم للاسم كثيراً اذا كان المقال جيد ومفيد وخال من ذكر اشخاص معينين اويسيء لاحد , فلانتوانى عن نشره . اما فيمايخص من ارسله بإسمك فهو انسان ليس على قدر من المسؤلية وعلى كل حال وضح الامر وشكراً ........... الادارة
شكرا
أنا صديق الأخ علاء
شكراا للأدارة الكريمة على هذا التعليق اللطيف (((اما فيمايخص من ارسله بإسمك فهو انسان ليس على قدر من المسؤلية وعلى كل حال وضح الامر وشكراً )))) أنا زميل الأخ علاء وأعلم أنه يحــب الاستماع إلى الزجل لذلك قمت بنشر هذه المقالة بإسمه ولكن لم أكن اعلم أن زميلي لن يتخرج بعد وذلك بسب انقطاعي عنه لفترة من الزمن ــ وعندما أخبرته عن المقال أنزعج قليلا وطلب مني مسح الأسم فأرجو مسح الأسم من قبل الادارة ..... وشكرااا على تعليقاتكم اللطيفة
صحنايا
وسام